Mandato relativo alla produzione e registrazione dei documenti.

1269-04-21

[ Karolus etc. ] Iustitiario Terre Laboris et Comitatus Molisii etc. Cum per nostram Curiam sit statutum ut omnia mandata nostra, quibuscumque officialibus dirigenda, que continent recollectionem pecunie, assignationem ipsius, nec non captionem vel assignationem seu restitutionem castrorum terrarum aliarumque possessionum, victualium animalium quorumcumque et etiam bonorum mobilium Curie aliquibus faciendam, quascumque etiam alias fiscales ac responsales, etiam Culminis nostri, super predictis officialibus, ipsis et super ipsorum consultationibus destinandas, sigillo pendenti nostre Celsitudinis sigillentur, ac pro ipsius Curie nostre cautela in registris Camere nostre ac Magistrorum Rationalium transcribentur, ut tempore ratiocinii singulorum fiat exinde collatio cum registris eisdem; f. t.... precipimus quatinus, si contingat decetero tibi mandatum aliud super predictis vel aliquo predictorum clausum a nostra Celsitudinedestinari, ad executionem ipsius aliquatenus non procedas nisi pendenti sigillo Maiestatis nostre fuerit sigillatum... Datum Fogie, XXI aprilis, XII ind. (1269).