Informazioni sul Documento
Mittente: Ruggero II (1130-1154)
Luogo di invio: Palermo
Luogo di ricezione: Monastero di S. Giovanni degli Eremiti
Data del documento: 1148, Luglio
Forma del manoscritto: arenga
Testo del Documento
Ruggero II concede al monastero di S. Giovanni degli Eremiti, da lui fondato presso Palermo, numerosi privilegi e libertà
1148, Luglio
Inter cetera
Inter cetera regie laudis preconia, hoc potissime irradiat velut sidus: cum sue conditionis commemores altissimo Creatori, per quem reges regnant et imperant, et a cuius dextera munificentia liberali ea que habent omnia, perceperunt; perceptum muneris premium quasi mutua retributione compensant cum locis religiosis instituendis et ad ipsius honorem et gloriam dedicandis, sic diligenti cura invigilant et intendunt, quod in ipsis laudes et iugiter orationes offferantur Altissimo de supernis a personis religiosis ibidem Deo servientibus, sic competenti provisione subveniunt et succurrunt, quod vita ipis religionibus deditorum ab omni egestatis gravamine sublevatur, ipsarumque religionum prepositi ac ministri, ad earum ampliationem et observantiam, quasi provocantibus meritis tam spiritualibus, quam etiam temporalibus arcessiti, in sui habitu ordinis perseverent, quasi fidei catholice substentaculum speciale, tam ipsam fidem spritualiter quam etiam bona ecclesiastica temporaliter multipliciter peraugendo.
