Informazioni sul Documento
Data del documento: gennaio 1245
Forma del manoscritto: letter
Testo del Documento
Federico II ordina al giustiziere di Terra di Lavoro di raccogliere la metà della tassazione generale di tutto l’anno, per destinarla alle spese per il matrimonio della propria figlia con il figlio del marchese di Meissen.
gennaio 1245
Iustitiario Terrae Laboris, de colligenda pecunia pro maritagio filiae suae.
1. Fidelitatis nostrae cultoribus, quos in ambitu regni nostri Syciliae in uia pacis et securitatis deducimus, maioris ostendere signa dilectionis non possumus, quam si cum ipsis in communitate uirium magnificentiam nostram counimus. 2. Et dum ab eis fastigia nostrae maiestatis deferimus, paritatis apud eos materiam conuenimus, ab experientiae fructibus fide nacta, qui, dum in eorum sensibus nos ad humaniora disponimus, deuotiores ipsos in nostris obsequiis experimur. 3. Et ideo, cum pro maritagio filiae nostrae carissimae, quam …, filio marchionis Misnensis, decreuimus copulandam, a fidelibus nostris regnicolis subuentionem placeat exhiberi, fidelitati tuae firmiter et districte precipiendo mandamus, quatenus tertio kalendarum proximi futuri mensis Aprilis, cum generalis collectae pecuniam credamus possibiliter recollectam, medietatem totius collectae presentis anni, de mandato nostro in tua iurisdictione taxatae, per singulos iustitiariatus eiusdem tuae iurisdictionis discretione prouida imponi facias et recolligi, festinanter eam ad nostram Cameram destinandam.
