Informazioni sul Documento
Data del documento: 1305 novembre 14
Descrizione fisica: Pergamena mm 210x300 in discreto stato di conservazione. Sono presenti diverse macchie scure lasciate dall’umidità sparse su tutta la membrana, più marcate al centro del supporto.
Forma del manoscritto: original
Testo del Documento
Gerardo de Palma , abitante in Potenza, vende a Giacomo Calciorario, abitante nella medesima terra, un vignale completamente abbandonato, sito nel tenimento di Potenza nella contrada Gallitello, per il prezzo di dodici tarì. A garanzia della transazione è stabilita una pena di venti augustali d’oro per i contravventori ed è nominato fideiussore Teodoro de Vetro , abitante in Potenza.
1305 novembre 14
† Anno dominice incarnationis millesimo trecentesimo quinto, regnante domino nostro Karulo secundo, Dei gratia gloriosissimo rege Ierusalem, Sicilie, ducatus Apulie et principatus Capue, Provincie et Forcalquerii comite, regnorum eius anno vicesimo primo, feliciter, amen, mense novembris quartodecimo eiusdem, quarte indictionis, aput Potenciam.
In presencia Bernardi de Comestabulo regii iudicis Potencie, Iohannis de Gunella puplici eiusdem terre notarii et testium subscriptorum, ego Girardus de Palma, civis et habitator Potencie, vendo et trado tibi Iacobo Calciorario, civi et habitatori eiusdem terre Potencie, vineale unum omnino desertum, situm in tenimento Potencie in contrata Gallitelli, hiis finibus circumdatum: ab uno latere tenent Robbertus et Palmerius Anatronus fratres, mediante limite, a secundo latere tenet magister Rogerius Pixitella, mediante fossato, a tertio latere tenet ecclesia Sancti Eunufrii, mediante limite, a quarto vero latere tenet Petrus Grimanus, mediante via vicinali. Hoc autem vineale qualiter est prescriptis finibus circumdatum per designata latera quatuor, una cum omnibus accessionibus et ingressionibus suis, tibi dicto Iacobo vendo et trado, ut dictum est, pro quo recepi a te tarenos duodecim in karolenis argenti numeratis, totum videlicet precium ipsius venditionis. Quapropter do et trado, tam tibi quam tuis heredibus, liberam et omnimodam potestatem tenendi, possidendi, vendendi, donandi, permutandi, nec non et quocumque modo volueritis alienandi vineale predistintum. Insuper repromitto tibi et tuis heredibus ipsum defendere et guarentire contra omnes homines, qui te vel tuos heredes de predicto vineali molestare vel inquietare temptaverint more iudiciorum, et si ego prefatus Girardus vel mei heredes vel aliquis per me vel per meos heredes contra te prefatum Iacobum vel tuos heredes de predicto vineali aliquo tempore venierimus vel ipsum vobis deinceps calumpniati fuerimus seu per quodlibet ingenium ipsum a vobis repetere vel subtrahere1 quesierimus aut ipsum vobis defendere et guarentire ab omnibus hominibus, ut supradictum est, noluerimus more iudiciorum, debeamus componere, nomine pene, augustales auri viginti, medietatem tibi vel tuis heredibus et alteram medietatem regali curie predicta vendicione nichilominus rata perpetuo permanente, preterea guadiam tibi ex eo dedi et fideiussorem de evictione tibi proinde posui Theodorum de Vetro, habitatorem Potencie.
Et taliter ego predictus Iohannes de Gunella puplicus Potencie notarius de mandato contrahentium predictorum hoc instrumentum vendicionis scripsi quia interfui et meo solito signo signavi. (SN) † Bernardus scripto iudex testatur in isto. † Ego Angelus presbiter ecclesie Sancti Michaelis interfui. † Ego iaconus Madius Madius de Sancti ecclesie2Michaelis interfui. † Ego Iacobus de Pixitela sudiaconus3 ecclesie Sancti Michaelis interfui.
